هلا ً باللي حمولي منه في درب الغرام ثـقـال

هلا ً باللي حمولي منه في درب الغرام ثـقـال
سلام ٍ ما قد رنا من غلا ته نختصر نصفه
تحياتي مع الأ شواق ما فيها حكي وجدال
حملها طايرالورق حسب عـنـوانه ووصفه
ترانا ندعج من الهيل للضيفان صفر دلا ل
ونورالعين سابقـنا بكرم أخلا قـه ولطفـه
هلا به يا هلا به عد ما مزن الغمامه سال
نتـّوج مجلسه وسط الخفوق بعالي الشرفه
عزيز ٍ ما رأت عيني لجنسه في العرب أمثال
عقب شوفه ابن شمر عقله صار به خـــــــفّه
عـليه الله أكـبـر صا بني من ســـبّـته سـلاّ ل
جميع أطراف جسمي خاملاتٍ صابها رجفه
عيونه ناعساتٍ من سحرها يشعـلن إشعال
وصافي الشهد ينزف من ثـناياها مع الشفه
وخصره مثل غصن ٍكل ما هب الهوى به مال
وجديل ٍ يرفعه ليمن بغى يجــلس على كفه
إلى منـّه كشف خده لنور البدر صار هـــلال
توارى النور من خلف السحابه حشمة وعـفـّه
متى ما مـّر من عندي يزلزل داخـــلي زلزال
وأغيب من الوعي وأصير كنيٍ أطرش الزّفه
أنا لولاي أخاف اللة لأعـلـّق صـــورته تمثال
أناجيها بنصف الليل إلى من صرت بالــغرفه
ولكن خايف ٍ من قول بن شمر حــاله مـال
وهم ما شافوا اللي صار وما يدرون عن ظرفه
صفا لي مدة ٍ قـلت الهوى ما عاد به عـــذال
وصرنا بالسوالف لا هرجنا نرفــــع الكلفه
تهـنـيـت بوداده يـوم قـلـبي للــــــغـلا ميــّـا ل
ولكن عقب هاللي صارعـفته ما أبي عرفـه
تمادى في عناده والهجرما شفت له حـلاّ ل
وحالي أصبحت للناس عقب الستر منكشفه
ألا يا وبل قلبي كان مالي في الهوى مدهال
وأنـا ما ني نكوف وما أداني راعي الـنـكفـه
أنا فعلا ً هويــته والغـــــلا في مهجتي ما زال
ولكن هنت قـلــــــــبي يتركه رغـم ٍعلى أنـفــه
عقب ما عافني عـفـته ولا لي به على أية حال
أنا وش لي بخل ٍ طايب ٍ من عشـــــرتي شفـّـه

اتمنى تنال اعجابكم

تقبلوا خلص تحياتي (الاســـيـــر)

منــــــــــــــــــــقـــــــــــــــــــــــول